Plantun de Prouvènço

Pèr coumpara dos planto d'encò nostre

Euphorbia segetalis & Anemone halleri

Verinado

Euphorbia segetalis

Euphorbiaceae

Àutri noum : Lagagno, Lachusclo-di-blad, Pisso-can-di-blad, Lantrèso.

Nom en français : Euphorbe des moissons.

Descripcioun :
La verinado s'atrobo dins li champ e li liò roucassous un pau caud. Se recounèis à si fuèio estrecho e raprouchado sus uno cambo un pau rouginasso, à si glando di lòngui bano (fotò) e si bratèio en formo de coupo. Flouris encaro tardié en ivèr.

Usanço :
Coume tóuti lis meno d'Euphorbia, la verinado es uno planto empouisounanto (verin). Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo ; un cop pèr jour, vint jour de tèms (L.). Ei bon peréu pèr sougna li mouchourlo de fedo e de chivau. Lis ancian tuavon li pèis de ribiero emé d'éufòrbi gachado (M.).

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno - Ivèr

Sòu : Ca
Autour basso e auto : 0 à 600 m
Aparado : Noun

Liò : Champ - Colo - Garrigo
Estànci : Termoumediterran à
Couroulougi : Pancaro entresigna
Ref. sc. : Euphorbia segetalis L., 1753

Barbanto(-de-Haller)

Anemone halleri

Ranunculaceae

Autre noum : Barbudo.

Noms en français : Anémone de Haller, Pulsatille de Haller.

Descripcioun :
La barbanto-de-Haller trachis en mountagno dins li pelouso d'adré bèn au soulèu. Mai bas se vèi peréu is uba. Flouris tre la foundo di nèu. Se recounèis à si flour vióuleto claro e subretout à si fueio descoupado di proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anemone
Famiho : Ranunculaceae

Ordre : Ranunculales

Coulour de la flour : Vióuleto
Petalo : >6
Ø (o loungour) flour : 2,5 à 3,5 cm
Flourido : Printèms - Estiéu

Sòu : Ca
Autour basso e auto : 1200 à 2600 m
Aparado : Vo
Abriéu à jun

Liò : Pelouso roucaiouso
Estànci : Mountagnard à Aupen
Couroulougi : Ouroufito-Ouèst-Aupenco
Ref. sc. : Anemone halleri All., 1773 (= Pulsatilla halleri (All.) Willd. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia segetalis & Anemone halleri

CCC

Coumpara Verinado emé uno autro planto

Coumpara Barbanto(-de-Haller) emé uno autro planto